مردوں کے کرکٹ میں بھارت اور جنوبی افریقہ کے درمیان کولکاتہ کے ایڈن گارڈن میں جاری پہلے ٹیسٹ میچ کے پہلے دن کا کھیل ختم ہونے تک بھارت نے اپنی پہلی اننگز میں ایک وکٹ کے نقصان پر37 رن بنا لیے ہیں۔ شام کو دن کا کھیل ختم ہونے پر K. L راہل 13 رن اور واشنگٹن سُندر 6 رن بناکر کریز پر موجود تھے۔اِس سے پہلے جنوبی افریقہ، اپنی پہلی اننگز میں 159 رن بناکر آل آؤٹ ہوگئی۔ جسپریت بُمراہ کے 5 وکٹ اور محمد سراج اور کلدیپ یادو کے دو-دو وکٹ کے ساتھ بھارتی گیند باز، اننگز پر حاوی رہے۔