مردوں کے کرکٹ میں، رانچی میں جاری تین میچوں کی سیریز کے پہلے ایک روزہ میچ میں بھارت نے جنوبی افریقہ کے سامنے جیت کیلئے 350 رن کا نشانہ رکھا ہے۔ وراٹ کوہلی نے سب سے زیادہ 135 رن بنائے جبکہ روہت شرما نے ایک روزہ میچوں میں سب سے زیادہ چھکّے مارنے کا ریکارڈ اپنے نام کیا۔ روہت نے اب تک 352 چھکّے مارے ہیں۔ انھوں نے پاکستان کے سابق کپتان شاہد آفریدی کے 351 چھکّے کا ریکارڈ توڑا ہے۔ آخری خبریں ملنے تک جنوبی افریقہ نے 44.4 اوور میں 8 وکٹ پر 304 رن بنالئے تھے۔مہمان ٹیم نے ٹاس جیتا اور پہلے گیندبازی کرنے کا فیصلہ کیا۔