کرکٹ میں نئی دلّی کے ارون جیٹلی اسٹیڈیم میں بھارت اور ویسٹ انڈیز کے درمیان جاری دوسرے ٹیسٹ میچ کے پہلے دن آج بھارتی سلامی بلے باز یشسوی جیسوال نے 173 رن بنائے اور ناٹ آؤٹ رہے۔ اُن کی اِس بہترین بلے بازی کے بدولت، بھارت پہلے دن کا کھیل ختم ہونے تک پہلی اننگز میں 2 وکٹ کے نقصان پر 318 رن بنا چکا ہے۔یشسوی جیسوال 173 رن اور کپتان شُبھمن گل 20 رن کے ساتھ کریز پر موجود ہیں۔ سائی سدرشن نے 87 رن، جبکہ K.L راہل نے 38 رن بنائے۔ اِس سے پہلے بھارتی کپتان شُبھمن گل نے ٹاس جیتا اور بلے بازی کیلئے موافق کالی مٹی والی Pitch پر پہلے بلے بازی کرنے کا فیصلہ کیا۔ احمد آباد میں کھیلا گیا سیریز کا پہلا میچ جیتنے کے بعد بھارتی ٹیم، یہ ٹیسٹ میچ بھی جیت کر گھریلو سیریز پوری طرح اپنے نام کرنا چاہتی ہے۔