کامرس اور صنعت کے مرکزی وزیر پیوش گوئل نے آج کہا ہے کہ بھارت کو برآمدات کو فروغ دے کر اپنی معیشت کو وسعت دینی چاہئے اور روزگار کے زیادہ مواقع پیدا کرنے چاہئے۔ نئی دلّی میں تجارت سے متعلق بورڈ کی چوتھی میٹنگ کی صدارت کرتے ہوئے جناب گوئل نے بھارت کی برآمدات میں اضافے کیلئے مضبوط مرکز-ریاست شراکت داری پر زور دیا۔ وزیر موصوف نے اِس بات کو بھی اجاگر کیا کہ عالمی اُتھل پتھل کے باوجود بھارتی معیشت کی کارکردگی پائیدار رہی ہے اور انھوں نے برآمدات میں اضافے کی خاطرحکومت کے عزم کو بھی دوہرایا۔