کامرس اور صنعت کے وزیر پیوش گوئل نے آج جرمنی کے شہر برلن میں برلن عالمی مذاکرات کے تیسرے ایڈیشن میں شرکت کی۔ سوشل میڈیا کی ایک پوسٹ میں جناب گوئل نے کہا کہ بھارت اپنی تجارتی شراکت داری کو، طویل مدتی اور باہمی ترقی کے تناظر میں دیکھتا ہے۔ وزیر موصوف نے عالمی کمپنیوں کیلئے ملک میں دستیاب ہونے والے وسیع مواقع کو بھی اجاگر کیا۔ وزیر موصوف نے برلن میں بزنس لیڈرس رائونڈ ٹیبل میں جرمنی کے CEOs سے بھی ملاقات کی۔ جناب گوئل نے اعادہ کیا کہ مددگار پالیسی ایکو نظام، جدت طرازی اور چھوٹے کاروبار کو فروغ دینے سے ملک، عالمی پیمانے پر سرمایہ کاری کی انتہائی ترغیبی منزلوں میں سے ایک بنتا جارہا ہے۔