چین کے شہر Chengdu میں عالمی گیمز 2025 میں حصہ لینے کے لیے 18 رکنی بھارتی دستہ پوری طرح تیار ہے۔ کھیل کود کے یہ مقابلے 17 اگست تک جاری رہیں گے۔ عالمی گیمز کا انعقاد 1981 سے ہر 4 سال میں کیا جاتا ہے۔ اِس میں وہ کھیل شامل ہوتے ہیں، جو اولمپکس میں شامل نہیں ہیں۔ اِس سال 34 کھیلوں اور 60 شعبوں پر مشتمل 253 تمغوں کے مقابلے ہوں گے۔

بھارت 1981 کے افتتاحی ایڈیشن سے ہی عالمی گیمز میں حصہ لیتا رہا ہے۔ اب تک بھارت 5 تمغے حاصل کرچکا ہے، جن میں سونے کا 1، چاندی کا 1 اور کانسے کے 3 تمغے شامل ہیں۔ بھارت کو واحد سونے کا تمغہ 2013 میں ملا تھا، جب آدتیہ مہتا نے بلیرڈس میں یہ تمغہ حاصل کیا تھا۔×