چھتیس گڑھ کے سُکما ضلعے میں آج سکیورٹی فورسز کے ساتھ ایک تصادم میں دو خاتون باغیوں سمیت تین ماؤ نواز مارے گئے۔ اُن پر 15 لاکھ روپئے کا انعام تھا۔ پولیس کے مطابق Tumaalpad علاقے کے جنگلوں میں ماؤ نوازوں کے موجود ہونے کے بارے میں خفیہ اطلاع ملنے پر ڈسٹرکٹ ریزرو گارڈ کی ایک ٹیم کو تلاش کی کاررروائی کیلئے بھیجا گیا تھا۔ آج صبح سے سکیورٹی فورسز اور ماؤ نوازوں کے درمیان رُک رُک کر گولی باری ہورہی تھی۔ ابھی تک جائے وقوع سے تین مائونوازوں کی لاشیں برآمد کی جاچکی ہیں۔ سکیورٹی اہلکاروں نے تصادم کی جگہ سے ہتھیار اور دھماکہ خیز مادہ بھی ضبط کیا ہے۔ بستر رینج کے انسپکٹر جنرل پولیس سُندر راج نے بتایا ہے کہ علاقے میں پولیس اور سکیورٹی دستوں کی اضافی ٹیموں کو بھیجا گیا ہے۔ علاقے میں تلاش کی بڑی کارروائی جاری ہے