چھتیس گڑھ کے بیجاپور ضلعے میں آج سکیورٹی دستوں کے ساتھ ایک تصادم میں آٹھ ماؤنواز ہلاک ہوگئے۔ ہلاک ہوئے ماؤنوازوں کی لاشیں برآمد کرلی گئی ہیں۔ سکیورٹی دستوں نے INSAS رائفل اور بیرل گرینیڈ لانچر سمیت مختلف ہتھیار بھی برآمد کئے ہیں۔ Gangalur علاقے میں ماؤنوازوں کی موجودگی کے بارے میں خفیہ اطلاع موصول ہونے کے بعد ضلع ریزرو گارڈ، خصوصی ٹاسک فورس، CRPF اور کوبرا بٹالین کی مشترکہ ٹیم نے اُن کے خلاف مہم کا آغاز کیا۔ صبح سے ہی سکیورٹی دستوں اور نکسلیوں کے درمیان رُک رُک کر فائرنگ ہورہی تھی۔ علاقے میں تلاش کارروائی جاری ہے۔