چھتیس گڑھ کے دانتے واڑہ ضلع میں 37 مائونوازوں نے آج پولیس کے سامنے خودسپردگی کی ہے۔ یہ مائونواز بَستر ڈویژن کے مختلف علاقوں میں سرگرم تھے۔
چھتیس گڑھ میں 37 مائونوازوں نے خودسپردگی کی ہے جو بَستر ڈویژن کے دانتے واڑہ، نارائن پور، بیجاپور اور سُکما اضلاع کے مختلف علاقوں میں سرگرم تھے۔ دانتے واڑہ پولیس کے سپرنٹنڈینٹ گورو رائے نے بتایا ہے کہ اِن میں سے 27 مائونوازوں پر مجموعی طور پر 65 لاکھ روپئے کا انعام تھا۔ اِن مائونوازوں پر مختلف واقعات میں ملوث ہونے کا الزام ہے۔ ریاستی سرکار کی بازآبادکاری پالیسی کے تحت خودسپردگی کرنے والے سبھی مائونوازوں کو دوسرے فوائد کے ساتھ ساتھ پچاس ہزار روپئے کا مالی امداد فراہم کیا جائے گا۔