چھتیس گڑھ میں رائے پور ادبی میلہ کل سے شروع ہونے جا رہا ہے۔ تین روزہ اس ادبی میلے میں ملک بھر سے کئی ممتاز ادیب، شاعر، افسانہ نگار، داستان گو، فنکار اور تھیٹر سے وابستہ شخصیات شرکت کریں گی۔

رائے پور میں کل سے شروع ہونے والا یہ تین روزہ ادبی میلہ چھتیس گڑھ کے مالا مال ادبی اور ثقافتی ورثے کے تحفظ اور اسے وسیع تر پلیٹ فارم فراہم کرنے کے مقصد سے منعقد کیا جا رہا ہے۔ چھتیس گڑھ ساہتیہ اکیڈمی کے چیئرمین ششانک شرما نے کہا کہ اس میلے کے دوران مجموعی طور پر 42 اجلاس منعقد کیے جائیں گے۔
ریاست کے مختلف اسکولوں اور کالجوں کے طلبا بھی اس ادبی میلے میں شرکت کریں گے۔ اس طرح یہ پروگرام نوجوان نسل کو ادب، زبان اور ثقافت سے جوڑنے میں ایک اہم کردار ادا کرے گا۔