آج پورے ملک میں دوسرا قومی خلائی دن منایا جا رہا ہے۔ یہ دن 23 اگست 2023 کو چاند پر چندریان 3 مشن کے وکرم لینڈر کی کامیاب سوفٹ لینڈنگ اور Pragyan Rover کی تنصیب کاری کی یاد میں منایا جا رہا ہے۔
2023 میں آج ہی کے دن چندریان تین مشن کامیابی کے ساتھ مکمل ہوا تھا۔ وکرم Lander چاند پر محفوظ طور پر آسانی کے ساتھ اترا تھا۔ اس کے ساتھ ہی بھارت چاند پر قدم رکھنے والا چوتھا ملک اور چاند کے قطب جنوبی پر پہنچنے والا پہلا ملک بن گیا۔ وکرم لینڈر کی Soft Landing کے بعد Pragyaan Rover کو کامیابی کے ساتھ نصب کیا گیا۔ لینڈنگ کے مقام کو شیو شکتی پوائنٹ کا نام دیا گیا۔ اس حصولیابی کا جشن منانے کے لیے بھارتی حکومت نے باضابطہ طور پر 23 اگست کو قومی خلائی دن کے طور پر اعلان کیا۔ یہ دن خلائی تحقیق اور خلائی ٹکنالوجی میں پیشرفت کے تعلق سے نمایاں حصولیابیوں کے اعتراف کے طور پر منایا جاتا ہے۔
اس سال کا موضوع ہے۔ ”آریہ بھٹ سے گگن یان تک، قدیم فراست سے لامحدود امکانات تک۔
تقریبات کے حصے کے طور پر بھارتی خلائی تحقیق کے ادارےISRO نے کل نئی دلی میں قومی خلائی 2.0 Meet کا انعقاد کیا۔ اس موقع پر اظہارِ خیال کرتے ہوئے اسرو کے چیئرمین وی نارائنن نے 1963 میں Thumba میں راکٹ لانچ کیے جانے سے لے کر آج خلا کے میدان میں بھارت کی قیادت کی عالمی شناخت تک کے شاندار سفر کو اجاگر کیا۔
پروگرام کے اختتامی اجلاس میں اظہارِ خیال کرتے ہوئے وزیراعظم کے پرنسپل سیکریٹری پی کے مشرا نے خلا کے شعبے میں بھارت کے سفر کی ستائش کی اور زور دے کر کہا کہ یہ Meet حکومت کا مجموعی طریقہ کار پر مشتمل ہے۔ جو زراعت اور حفظانِ صحت سے لے کر آفت کے بندوبست اور پائیدار ماحولیات کا احاطہ کرتی ہے۔
