چار روزہ چھٹھ پوجا آج طلوع ہوتے ہوئے سورج کو ارگھیہ دیئے جانے کے ساتھ اختتام پذیر ہوگئی۔ اسے اوشا ارگھیہ کے نام سے جاناتا ہے۔ اوشا ارگھیہ اس تہوار کی آخری اور سب سے اہم رسم ہوتی ہے۔ اس دن، عقیدتمند دریاؤں، تالابوں کے کنارے جمع ہوکر طلوع ہوتے ہوئے سورج کو ارگھیہ دیتے ہیں، جو شکر کے اظہار اور صحت، خوشحالی اور آشیرواد حاصل کرنے کی علامت ہوتا ہے۔ اس کے بعد پرساد اور پانی کے ذریعہ 36 گھنٹے کا وِرت ختم ہوتا ہے۔ اس رسم کو پارن کہا جاتا ہے اور اس طرح چھٹھ کا ورت کامیابی سے مکمل کرلیا جاتا ہے۔