آج لوک سبھا میں آپریشن سندور پر بحث ومباحثہ کئے جانے کا امکان ہے۔ پارلیمانی امور کے وزیر کرن رجیجو نے اِس سے پہلے بتایا تھا کہ پہلگام میں دہشت گردانہ حملے اور آپریشن سندور کے تحت بھارت کے جواب پر خصوصی بات چیت پارلیمنٹ کے جاری مانسون اجلاس کے دوران کی جائے گی۔

جناب رجیجو نے کہا کہ یہ فیصلہ لوک سبھا اسپیکر اوم برلا کی صدارت میں کام کاج سے متعلق پارلیمانی مشاورتی کمیٹی کی میٹنگ میں کیا گیا۔

SB- Kiran Rijuju

انھوں نے کہا کہ لوک سبھا اور راجیہ سبھا دونوں میں ہی اِس مباحثے کیلئے سولہ سولہ گھنٹے مختص کئے گئے ہیں۔ راجیہ سبھا میں یہ مباحثہ کَل کیا جائے گا۔

جناب رجیجو نے یہ بھی کہا کہ اپوزیشن پارٹیاں آپریشن سندور پر بحث کا مطالبہ کر رہی تھیں اور حکومت نے پہلے ہی دن سے اِس مطالبے سے اتفاق کرلیا تھا۔