پورے ملک میں رمضان کا ماہِ مبارک آج سے شروع ہوگیا ہے۔ رمضان کے آغاز کے موقع پر کَل رات لوگوں نے مساجد میں کثیر تعداد میں تراویح کی نماز ادا کی، جو پورے ماہ جاری رہے گا۔ رمضان المبارک اسلامی کلینڈر کا نواں مہینہ ہے۔ رمضان المبارک کے ختم ہونے کے بعد عید الفطر منائی جاتی ہے۔
اس موقع پر وزیر اعظم نریندر مودی نے تمام لوگوں کو مبارکباد دی ہے۔ ایک سوشل میڈیا پوسٹ پر جناب مودی نے امید ظاہر کی ہے کہ یہ مقدس مہینہ معاشرے میں امن اور ہم آہنگی لائے گا۔ خلیجی ملکوں میں رمضان کے مہینے کا آج دوسرا روزہ تھا۔