پنجاب پولیس نے سرحد پار کے ایک جاسوسی نیٹ ورک کا پردہ فاش کرنے میں کامیابی حاصل کی ہے۔ جس کا تعلق مبینہ طور پر نئی دلّی میں پاکستان کے ہائی کمیشن میں تعینات ایک پاکستانی عہدیدار سے ہے۔ بھارتی فوج کی نقل وحرکت سے متعلق حساس معلومات پاکستان کو افشا کئے جانے میں ملوث دو افراد کو مالیر کوٹلہ قصبے سے گرفتار کیا گیا ہے۔ پنجاب پولیس کے سربراہ گورو یادو نے اپنے سوشل میڈیا پوسٹ میں انکشاف کیا ہے کہ ابتدائی چھان بین سے پتہ چلا ہے کہ ملزم کو خفیہ معلومات فراہم کرنے کے عوض آن لائن ٹرانزیکشن کے ذریعے رقم مل رہی تھی۔