پنجاب میں زہریلی شراب کے سانحے میں ہلاک ہونے والوں کی تعداد بڑھ کر 23 ہوگئی ہے، جبکہ مزید 13 افراد اسپتال میں ہیں۔ امرتسر کے سِول سرجن ڈاکٹر کِرن دیپ نے تفصیلات کی تصدیق کرتے ہوئے کہا کہ Majitha اور Threwal علاقوں کے 7 گاؤوں میں گھر گھر جاکر سروے کیا جارہا ہے۔ امرتسر کے Majitha ضلع میں یہ المناک سانحہ پیش آیا، جس میں 7 گاؤوں کے لوگوں نے اِیتھنول سے بنی زہریلی شراب پی لی تھی۔

امرتسر کے Majitha حلقے میں پیش آئے اس المناک واقعہ کے سلسلے میں اس کے سرغنہ سمیت 10 افراد کو حراست میں لے لیا گیا ہے۔ وزیراعلیٰ بھگونت سنگھ مان نے مہلوکین کے کنبوں سے ملاقات کی اور اس بات کو تسلیم کیا کہ بغیر سیاسی سطح پر شمولیت کے شراب بیچے جانے سے متعلق اس طرح کے معاملات پیش نہیں آسکتے اور انہوں نے قصورواروں کے خلاف سخت کارروائی کی یقین دہانی کرائی۔ مہلوکین کے کنبوں کو 10-10 لاکھ روپے دینے کا اعلان کیا گیا ہے۔ اس دوران کَل پٹیالیہ میں 600 لیٹر میتھنول لے جارہے ایک ٹرک کو ضبط کرلیا گیا، جو امرتسر جارہا ہے۔