پریاگ راج میں جاری مہا کمبھ کل مہاشوراتری کے پوتر موقع پر اختتام پذیر ہوجائے گا۔ 45 روزہ اِس عظیم الشان روحانی تقریب میں 64 کروڑ 47 لاکھ سے زیادہ عقیدتمند شامل ہوچکے ہیں۔ اِس تقریب کے محفوظ طریقے سے اختتام پذیر ہونے کو یقینی بنانے کیلئے اترپردیش حکومت نے تیاریاں کی ہیں۔ انتظامیہ نے شہریوں سے اپیل کی ہے کہ وہ ٹریفک سے متعلق انتظامات کی پابندی کریں اور عقیدتمندوں کی سہولت اور ٹریفک کے بلا رکاوٹ جاری رہنے میں تعاون کریں۔