پاکستان کے خیبر پختوان خوا صوبے کے دریائے سوات میں آج سیلاب کی سی صورتحال پیدا ہوجانے کے بعد ایک ہی کنبے کے کم از کم 18 افراد ڈوب گئے۔ یہ کنبہ سیاحوں کے ایک گروپ کا حصہ تھا جو خطے کی سیاحت کیلئے آئے تھے اور موسلادھار بارش کی وجہ سے پانی کی بڑھتی ہوئی سطح میں پھنس گئے۔ سات افراد کی لاشیں برآمد کرلی گئی ہیں۔ لاپتہ افراد کا پتہ لگانے کیلئے بڑے پیمانے پر تلاشی کی کارروائی جاری ہے۔ پاکستان کو اِس مرتبہ پھر مانسون کے شدید سیزن کا سامنا کرنا پڑ رہا ہے اور وہ امکانی آفات کا بندوبست کرنے کیلئے کوششیں کر رہا ہے۔ قدرتی آفات کے بندوبست کی صوبائی اتھارٹی نے دریائے سوات میں خوازہ خیل سے پانی چھوڑے جانے کے بعد سیلاب سے متعلق ایک الرٹ جاری کیا تھا۔ اُس نے واضح طور پر کہا کہ خطے میں بہت تیز بارش کی وجہ سے سیلاب کی انتہائی خطرناک صورتحال بن رہی ہے۔