پارلیمنٹ کا سرمائی اجلاس کَل سے شروع ہو رہا ہے۔ ہمارے نامہ نگار نے خبر دی ہے کہ اِس سیشن میں پندرہ اجلاس ہوں گے اور یہ 19 دن تک چلے گا۔
قانونی کام کاج کیلئے مجموعی طور پر 13 بلوں کو فہرست میں رکھا گیا ہے اور توقع ہے کہ اجلاس کے دوران اِنھیں پاس کرنے کیلئے پیش کیا جائے گا۔ اِن بلوں میں قومی شاہراہ ترمیمی بل، ایٹمی توانائی بل، کارپوریٹ قوانین ترمیمی بل، انشورینس قوانین ترمیمی بل اور بھارت کا اعلیٰ تعلیمی کمیشن بل 2025 شامل ہیں۔ لوک سبھا میں وزیر خزانہ نرملا سیتا رمن، سینٹرل ایکسائز ترمیمی بل اور صحت سکیورٹی سے قومی سکیورٹی Cess بل 2025 پیش کریں گی۔ اِس کے علاوہ، اجلاس کے دوران، سال 2025-26 کیلئے گرانٹس کے ضمنی مطالبات کے پہلے Batch پر تبادلہ خیال ہوگا۔
اس سے پہلے دن میں سرکار نے نئی دلّی میں تمام پارٹیوں کی ایک میٹنگ کی تاکہ پارلیمنٹ کے دونوں ایوانوں کا اجلاس خوش اسلوبی کے ساتھ چلائے جانے کو یقینی بنایا جاسکے۔ وزیر دفاع راجناتھ سنگھ نے کی صدارت میں ہونے والی اِس میٹنگ میں 36 سیاسی پارٹیوں کے 50 رہنمائوں نے شرکت کی۔
میٹنگ کے بعد اخبار نویسوں سے بات کرتے ہوئے پارلیمانی امور کے وزیر کرن رجیجو نے کہا کہ سرکار نے دونوں ایوانوں کو خوش اسلوبی سے چلانے کیلئے تمام پارٹیوں کے فلور لیڈروں سے تعاون مانگا ہے۔ انھوں نے کہا کہ سرکار اصول کے مطابق دونوں ایوانوں میں کسی بھی اہم مسئلے پر بات چیت کیلئے تیار ہے۔
