ٹیکسٹائل کے وزیر گری راج سنگھ نے کہا ہے کہ ٹیکسٹائل کے شعبے نے گزشتہ دہائی کے دوران زبردست ترقی کا مظاہرہ کیا ہے اور یہ سال 2014 کے 8 اعشاریہ 4 لاکھ کروڑ سے بڑھ کر آج تقریباً 16 لاکھ کروڑ روپے ہوگیا ہے۔ نئی دلّی میں کل 74 ویں انڈیا انٹرنیشنل گارمینٹ فیئر-IIGF-2026 کا افتتاح کرتے ہوئے جناب سنگھ نے کہا کہ سال 2025 میں گھریلو بازار بھی 6 لاکھ کروڑ روپے سے بڑھ کر 13 لاکھ کروڑ روپے ہوگیا ہے، جبکہ ملک کی برآمدات میں بھی عالمی وبا کے بعد 25 فیصد سے زیادہ کا اضافہ ہوا ہے۔ x