وینیزویلا کے کارگزار صدر Delcy Rodriguez نے ملک میں سات دن کے قومی سوگ کا اعلان کیا ہے۔ گزشتہ ہفتے وینزویلا کے صدر Nicolas Maduro اور اُن کی اہلیہ کو Caracas میں ایک امریکی فوجی آپریشن میں گرفتار کیے جانے کے بعد، یہ اعلان کیا گیا تھا۔ وینیزویلا حکومت نے تصدیق کی ہے کہ اِس آپریشن میں کم سے کم 56 لوگوں کی موت ہوئی، جن میں Cuba کے 32 فوجی اور پولیس اہلکار شامل ہیں۔ انہوں نے اِس بات کا اعادہ کیا کہ وینیزویلا کے معاملات ملک کے حکام ہی سنبھالیں گے۔ Cuba نے اپنے اہلکاروں کی یاد میں دو دن کے سوگ کا اعلان کیا ہے۔

وہیں، امریکی صدر ڈونلڈ ٹرمپ نے کہا ہے کہ وینیزویلا کی عبوری حکومت، امریکہ کو 30 ملین سے 50 ملین بیرل کے درمیان پابندی عائد ہونے والا تیل منتقل کرے گی۔

انہوں نے اس منصوبے کو دونوں ملکوں کیلئے سودمند قرار دیا ہے۔ ایک سوشل میڈیا پوسٹ میں جناب ٹرمپ نے کہا کہ تیل مارکیٹ قیمتوں پر فروخت کیا جائے گا اور وہ تیل کی منتقلی کے عمل کی خود نگرانی کریں گے۔ انہوں نے کہا کہ اس سے جو آمدنی ہوگی وہ امریکی اور وینیزویلا کے عوام دونوں کو فائدہ پہنچائے گی۔