وزیر دفاع راجناتھ سنگھ نے آج کہا ہے کہ بھگود گیتا کا پیغام بھارت کی سرحدوں کے پار پہنچ چکا ہے اور یہ انسانیت کیلئے ایک آفاقی رہنما کے طور پر کام کرتا ہے۔ کروکشیتر میں بین الاقوامی گیتا کانفرنس سے خطاب کرتے ہوئے انھوں نے کہا کہ اِس صحیفے نے کئی نسلوں کی زندگی کو صورت عطا کی ہے اور یہ اب بھی نوجوانوں کو تحریک دینے کیلئے انتہائی اہمیت کی حامل ہے۔ یہ کانفرنس کروکشیتر یونیورسٹی، وزارتِ خارجہ اور کروکشیتر ترقیاتی بورڈ نے منعقد کی ہے۔ اِس کانفرنس کا موضوع ہے ’’Swadharma-فرض، امن، خیر سگالی اور سودیشی جذبے کیلئے اخلاص‘‘۔ جناب سنگھ نے کہا کہ گیتا کی تعلیم جو پانچ ہزار سال سے بھی پہلے پیش کی گئی تھیں، اب بھی انسانیت کو بلندی پر لے جاتی ہیں اور یہ کہ کروکشیتر بھارت کی روحانی ثقافت کی تفہیم کیلئے ہمیشہ مرکزی حیثیت کا حامل رہے گا۔پہلگام کے حالیہ واقعے کا ذکر کرتے ہوئے انھوں نے کہا کہ بھارت امن کی حمایت کرتا ہے پَر پھر بھی اُس نے آپریشن سندور کے ذریعے مضبوطی کے ساتھ جوابی کارروائی کی۔
انھوں نے سوامی گیانند جی مہاراج، ہریانہ کے وزیر ٹرانسپورٹ انِل وِج، سماجی انصاف کے وزیر کشن بیدی، ممبر پارلیمنٹ نوین جِندل اور دیگر اہم شخصیات کے ساتھ سیمینار کا افتتاح کیا۔ جناب سنگھ نے Journal of Haryana Studies کے خصوصی شمارے کا اجرا بھی کیا اور بین الاقوامی گیتا مہوتسو میں ریاستی پویلینوں اور ایک ہائی ٹیک نمائش کا بھی افتتاح کیا۔