وزیردفاع راجناتھ سنگھ نے داخلی اور خارجی دونوں طرح کے سیکورٹی چیلنجوں سے نمٹنے کے لیے حقیقی تیاری کی ضرورت پر زور دیا ہے۔ وہ آج نئی دلّی میں اِنڈیا کوسٹ گارڈ کمانڈرس کانفرنس سے خطاب کررہے تھے۔ جناب راجناتھ سنگھ نے کہا کہ دفاعی افواج کو کثیر رُخی سیکورٹی خطرات سے نمٹنے کے لیے تیار رہنا چاہئے۔ انھوں نے اِس بات کو اُجاگر کیا کہ آج کے دور کے چیلنج کہیں زیادہ متحرک ہیں۔ انھوں نے یہ بھی کہا کہ الیکٹرانک جنگی سازوسامان اب ایک حقیقت بن گیا ہے۔ x