مرکزی وزیر داخلہ امت شاہ نے کہا ہے کہ نریندر مودی کی سرکار میں، جموں و کشمیر دہشت گردی سے آزاد ہوگا۔ پہلگام دہشت گردانہ حملے کے جواب میں بھارت کے کامیاب اور فیصلہ کن آپریشن سندور پر راجیہ سبھا میں بحث کا جواب دیتے ہوئے، جناب شاہ نے کہا کہ دہشت گردوں کے خلاف سخت کارروائی کی جائے گی اور دہشت گردی کے بنیادی ڈھانچے کو تہس نہس کردیا جائے گا۔
وزیر داخلہ نے آپریشن مہادیو کی کامیابی کیلئے مسلح افواج اور سیکورٹی ایجنسیوں کے رول کی ستائش کی، جس کے تحت پہلگام دہشت گردانہ حملے میں ملوث تین دہشت گردوں کو ہلاک کر دیا گیا۔ انہوں نے کہا کہ آپریشن سِندور کے دوران پاکستان کی حملہ کرنے کی صلاحیتوں کو ختم کر دیا گیا اور اُسے گھٹنے ٹیکنے پر مجبور پر کر دیا گیا۔×
