وزیر داخلہ امت شاہ نے ملک کے لوگوں سے اپیل کی ہے کہ وہ ہر سال کم سے کم پانچ ہزار روپئے مالیت کی کھادی کی مصنوعات خریدیں۔ انھوں نے کہا کہ اِس طرح کا اقدام لاکھوں افراد کو روزگار فراہم کرے گا اور اُن کی زندگی کو بہتر بنائے گا۔ آج نئی دلّی میں کھادی مصنوعات پر ملک گیر رعایت کی فروخت کا آغاز کا کرتے ہوئے جناب شاہ نے کہا کہ کھادی اور ولیج صنعت کی مصنوعات کی فروخت میں، پچھلے 11 سالوں میں پانچ گنا اضافہ ہوا ہے، جو 33 ہزار کروڑ روپئے سے بڑھ ایک لاکھ 70 ہزار کروڑ روپئے سے زیادہ ہوگئی ہے۔