مرکزی وزیرِ خزانہ نرملا سیتا رمن نے کہا ہے کہ اگلے سلسلے کی GST اصلاحات کو دیوالی، درگا پوجا اور نوراتری جیسے تہواروں سے قبل متعارف کرایا گیا ہے اور اس سے ہر بھارتی کو فائدہ پہنچے گا۔ آج چنئی میں تجارت اور صنعتوں کی تنظیم کے مشترکہ کانکلیو سے خطاب کرتے ہوئے انہوں نے کہا کہ تقریباً 99 فیصد اشیاء پر GST کی شرح کو 12 فیصد سے گھٹا کر 5 فیصد کر دیا گیا ہے۔ وزیر خزانہ نے مزید کہا کہ 28 فیصد GST کو کم کر کے 18 فیصد کر دیا گیا ہے۔ انہوں نے کہا کہ آٹھ برس قبل جب GST نافذ کیا گیا تھا تو مجموعی طور پر 65 لاکھ کمپنیاں GST ادا کر رہی تھیں، آج یہ تعداد بڑھ کر ڈیڑھ کروڑ ہو گئی ہے۔