مرکزی وزیر خزانہ نرملاسیتارمن نے کہا ہے کہ مرکز، ریاستوں میں انڈسٹریل ٹریننگ انسٹی ٹیوٹس ITIs کو بہتر کرکے AI پر مبنی تربیتی مراکز بنانے کیلئے مطلوبہ مکمل مالی امداد فراہم کرے گا۔ نئی دلّی میں ’انڈین فائونڈیشن فور کوالٹی مینجمنٹ‘ کے سالانہ سمپوزیم سے خطاب کرتے ہوئے محترمہ سیتارمن نے کہا کہ ITIs کو صنعتوں کی بدلتی ہوئی ضرورت کے تحت اَپ گریڈ کیا جارہا ہے۔ وزیر موصوف نے کہا کہ گزشتہ دو سے تین سالانہ بجٹ میں حکومت نے افرادی قوت کی ہنر مندی میں مدد کیلئے اقدامات کئے ہیں۔ انہوں نے کہا کہ حکومت اس بات کو بھی یقینی بنارہی ہے کہ مخصوص ترغیبات کے ساتھ نوجوانوں کو تربیت دی جائے۔ انہوں نے صنعت پر زور دیا کہ وہ ملک کے نوجوانوں کو ہنر مند بنانے کی خاطر حکومت کے ساتھ حصہ دار بنیں۔