وزیر خارجہ ڈاکٹر ایس جے شنکر نے 22 اپریل کو پہلگام دہشت گردانہ حملے کی سخت مذمت کرنے پر افغانستان کو تہہ دل سے سراہا ہے۔ کَل نئی دلّی میں ڈاکٹر ایس جے شنکر اور افغان وزیر خارجہ مولوی امیر خان متقی کے درمیان بات چیت کے بعد ایک مشترکہ بیان میں دونوں رہنماؤں نے خطّے کے ملکوں سے پھیلنے والی، تمام تر قسم کی دہشت گردی کی واضح طور پر مذمت کی۔
دونوں رہنماؤں نے ایک دوسرے کے ملکوں کی خود مختاری اور علاقائی سا لمیت کے احترام پر زور دیا۔
وزیر خارجہ نے سلامتی سے متعلق بھارت کی تشویش کو افغانستان کی طرف سے سمجھے جانے کو سراہا۔ افغان وزیر خارجہ نے اِس عزم کو دوہرایا کہ افغان حکومت کسی گروپ یا فرد کو، بھارت کے خلاف، افغانستان کے علاقے کو استعمال نہیں کرنے دے گی۔×
