وزیر خارجہ ڈاکٹر ایس جے شنکر نے گزشتہ روز پروشلم میں اسرائیل کے وزیر اعظم بنیامن نیتن یاہو سے ملاقات کی اور بھارت-اسرائیل اسٹریٹجک شراکت داری کو مستحکم کرنے کا اعادہ کیا۔ ایک سوشل میڈیا پوسٹ میں وزیر موصوف نے کہا کہ ملاقات کے دوران، ٹیکنالوجی، معیشت، مہارت و صلاحیت،  رابطہ کاری اور سلامتی کے شعبوں میں تعاون کو مزید گہرا کرنے پر تبادلہئ خیال کیا گیا۔ ڈاکٹر جے شنکر نے مزید کہا کہ انہوں نے وزیر اعظم نیتن یاہو کے علاقائی اور عالمی پیشرفت سے متعلق خیالات کو قابل قدر قرار دیا۔

وزیر خارجہ نے اسرائیل کے وزیر معیشت و صنعت Nir Barkat سے بھی ملاقات کی۔ ڈاکٹر جے شنکر نے کہا کہ دونوں لیڈروں نے دونوں ممالک کے درمیان سرمایہ کاری اور اختراعی تعاون کو آگے بڑھانے پر تبادلہئ خیال کیا۔

انہوں نے بھارت-اسرائیل آزاد تجارتی معاہدے کے جلد تکمیل پر اعتماد کا اظہار کیا، تاکہ اقتصادی شراکت داری کو مزید فروغ دیا جا سکے۔×