وزیر خارجہ ڈاکٹر ایس جے شنکر نے کہا ہے کہ دنیا سُکڑ رہی ہے اور زیادہ مسابقہ آرائی سے گزررہی ہے اور اِس طرح کے اُتھل پتھل بھرے ماحول میں بھارت کو اپنا عروج جاری رکھنا ہوگا۔ وزیر خارجہ نے کَل شام نئی دلّی کی جواہر لال نہرو یونیورسٹی کے اسکول آف انٹرنیشنل اسٹڈیز میں اراوَلی چوٹی کانفرنس کے افتتاحی اجلاس سے خطاب کیا۔ انہوں نے کہا کہ ملک کی پہچان اُس کے نظریات کی طاقت سے ہوتی ہے۔ وزیر خارجہ نے ارتقاء پذیر عالمی منظر نامے کے چیلنجوں اور اپنے قومی مفادات کی جانب پیش قدمی میں بھارت کے نقطہ نظر پر اِن چیلنجوں کے اسٹریٹجک اثرات پر بھی تبصرہ کیا۔ عالمی سیاسی صورتحال میں تبدیلی کے دائرہِ کار کی وضاحت کرتے ہوئے ڈاکٹر جے شنکر نے کہا کہ ایسا لگتا ہے کہ انتہائی اُتھل پتھل بھرے ماحول میں عروج پانا، بھارت کی تقدیر میں لکھا ہے۔×