وزیرخارجہ ڈاکٹر ایس جے شنکر نے آج بھارت اور پاکستان کے درمیان کسی تیسرے فریق کی ثالثی کو سختی سے مسترد کرتے ہوئے کہا کہ اسلام آباد کے ساتھ تمام معاملات محض دو طرفہ ہوں گے۔
نئی دلی میں ایک پروگرام کے موقع پر میڈیا سے بات کرتے ہوئے ڈاکٹر جے شنکر نے کہا کہ بھارت نے یہ واضح کر دیا ہے کہ واحد مسئلہ جس پر پاکستان کے ساتھ بات چیت ہوسکتی ہے وہ پاکستان کے زیرقبضہ کشمیرمیں غیر قانونی طور پر قبضہ کی گئی بھارتی سرزمین کو خالی کرنا ہے۔
حالیہ سرحدی کشیدگیوں کے حوالے سے انہوں نے کہا بھارت نے پاکستان کو واضح طور پر بتادیا ہے کہ وہ صرف دہشت گردی کے ڈھانچوں کو نشانہ بنارہا تھا اور پاکستانی فوج کو مداخلت نہ کرنے کا مشورہ ایک وارننگ تھی جسے اسلام آباد نے نظر انداز کردیا۔ انہوں نے کہاکہ 10 مئی کی سیٹیلائٹ تصاویر سے ظاہر ہوتا ہے کہ بھارت کی جوابی کارروائی سے پاکستان کو خاطر خواہ نقصان پہنچا ہے جبکہ پاکستان اپنی کارروائی بھارت کو معمولی نقصان ہی پہنچا سکا۔ انہوں نے کہا کہ سندھ آبی معاہدہ تب تک معطل رہے گا جب تک کہ پاکستان سنجیدگی سے سرحدپار دہشت گردی کے خلاف کارروائی نہیں کرتا۔