وزیرخارجہ ایس جے شنکر نے کہا ہے کہ امریکہ نے دنیا کے ملکوں کے ساتھ تعلقات کے تئیں اپنے نقطہئ نظر میں بنیادی تبدیلی کی ہے اور اِس کے نتائج ہر شعبے میں محسوس کیے جارہے ہیں۔ ڈاکٹر جے شنکر آج صبح نئی دلّی میں گلوبل ٹیکس سمٹ سے خطاب کررہے تھے۔ انھوں نے نشاندہی کی کہ تکنیکی نتائج گہرے ہوں گے، کیونکہ امریکہ سب سے بڑی معیشت ہے اور امریکہ کو دوبارہ عظیم بنانے میں ٹیکنالوجی کا بڑا رول ہے۔ انھوں نے کہا کہ ٹیکنالوجی نے تجارت کو قومی سلامتی کے لیے بہت زیادہ حساس بنا دیا ہے۔