وزیر خارجہ ڈاکٹر ایس جے شنکر نے کل نئی دلّی میں جنوبی کوریا کے اپنے ہم منصب Cho Hyun کے ساتھ دوطرفہ میٹنگ کی۔ ایک سوشل میڈیا پوسٹ میں ڈاکٹر جے شنکر نے کہا کہ دونوں رہنماؤں نے نتیجہ خیز مذاکرات کیے، جس کا مقصد تجارت، مصنوعات سازی، بحری شعبے اور عوام سے عوام کے درمیان تبادلوں سمیت مختلف شعبوں میں دوطرفہ تعاون کو آگے بڑھانا ہے۔ انہوں نے کہا کہ انہوں نے مصنوعی ذہانت AI، سیمی کنڈکٹرس، ماحول کے لیے سازگار توانائی اور دفاع سمیت اُبھرتے ہوئے شعبوں میں نئے موقعے بھی تلاش کیے۔

میٹنگ کے دوران ڈاکٹر جے شنکر نے دونوں ملکوں کے درمیان گہری اور وسیع ہوتی ہوئی سرگرمیوں کو بھی سراہا۔

جنوبی کوریا کے وزیر خارجہ Cho Hyun نے کہا کہ  اُن کا ملک، دہشت گردی کے خلاف کافی سخت ہے اور اُس کا نظریہ کافی پختہ ہے۔ پہلگام کے دہشت گردانہ حملے کے بارے میں انہوں نے کہا کہ جنوبی کوریا کسی بھی دہشت گردانہ حملے کے، سخت خلاف ہے۔×