وزیر خارجہ ایس جئے شنکر نے جمہوریت کو ایک انفرادی نوعیت کی مغربی خصوصیات کی حامل طرزِ حکومت کے طور پر برتنے کے سلسلے میں مغربی ممالک کی نکتہ چینی کی ہے اور اُن پر الزام لگایا ہے کہ وہ اپنے وطن میں جمہوری اقدار کو برقرار رکھتے ہوئے عالمی جنوب میں غیر جمہوری طاقتوں کو تعاون فراہم کرتے ہیں۔ میونخ سکیورٹی کانفرنس میں کَل ایک پینل ڈسکشن سے خطاب کرتے ہوئے جناب جئے شنکر نے کہا کہ جمہوریت کو عالمگیر سطح پر رائج کرنے کی غرض سے مغربی ممالک کو اپنے خطے کے باہر جمہوریت کی کامیاب مثالوں کو تسلیم اور قبول کرنا چاہئے۔ انھوں نے جمہوریت کیلئے بھارت کے عزم کو اجاگر کیا اور اِس بات کا ذکر کیا کہ ملک خطے میں کئی دیگر کے برخلاف جمہوری ماڈل کے تئیں بالکل سچا رہا ہے۔ اِس پینل میں ناروے کے وزیر اعظم Jonas Gahr Store، امریکہ کے Senator Slotkin اور Warsaw کے میئر Rafal Trzaskowski شامل تھے۔