وزیرِ اعظم نریندر مودی سیلاب اور مٹی کے تودے گرنے سے پیدا ہونے والی صورتحال کا جائزہ لینے کیلئے آج ہماچل پردیش اور پنجاب کا دورہ کررہے ہیں۔ وہ پنجاب کے شہر پٹھان کوٹ پہنچ گئے ہیں، جہاں وہ سیلاب سے تباہ حال ریاست کی صورتحال کا جائزہ لیں گے۔ اُن کی آمد پر پنجاب کے گورنر گلاب چند کٹاریہ اور کابینہ وزیر Aman Arora اور ریاست کے دیگر اعلیٰ عہدیداروں نے اُن کا خیرمقدم کیا۔ پنجاب کے چوٹی کے عہدیداروں کے ساتھ جائزہ میٹنگ سے پہلے وزیرِ اعظم، ہماچل پردیش کے کانگڑا میں دھرم شالہ کا دورہ کریں گے۔ ایک سوشل میڈیا پوسٹ میں وزیرِ اعظم نے کہا ہے کہ مرکزی سرکار اِس مشکل گھڑی میں متاثرہ افراد کے ساتھ کندھے سے کندھا ملاکر کھڑی ہے۔