وزیراعظم نریندر مودی نے کہا ہے کہ دہشت گردی کے معاملے پر دوہرا معیار ناقابل قبول ہے۔ آج Tianjin میں شنگھائی تعاون تنظیم کی سربراہ کانفرنس میں اپنے بیان میں جناب مودی نے دہشت گردی کو انسانیت کے لیے ایک بڑا چیلنج قرار دیا اور کہا کہ ہر طرح کی دہشت گردی کی مذمت کی جانی چاہیے۔ جناب مودی نے کہا کہ بھارت گذشتہ چار دہائیوں سے دہشت گردی کا سامنا کر رہا ہے۔ انھوں نے اُن ملکوں کے تئیں تشکر کا اظہار کیا، جنھوں نے پہلگام میں دہشت گردانہ حملے کے بعد بھارت کے ساتھ یگانگت ظاہر کی تھی۔
وزیراعظم نے اس بات کو اجاگر کیا کہ بھارت نے شنگھائی تعاون تنظیم کے ممبر کی حیثیت سے بہت مثبت رول ادا کیا ہے۔ انھوں نے کہا کہ مذکورہ تنظیم کے لیے بھارت کا نظریہ اور پالیسی تین اہم ستونوں پر مبنی ہے۔اِن میں سیکیورٹی، کنکٹوٹی اور مواقع شامل ہیں۔
وزیراعظم نریندر مودی نے شنگھائی تعاون تنظیم کی سربراہ کانفرنس کے موقع پر روس کے صدر ولادیمیر پتن اور چین کے صدر Xi Jinping کے ساتھ اپنا نقطۂ نظر پیش کیا۔