وزیر اعظم نریندر مودی نے اب سے کچھ دیر پہلے نئی دلّی میں قومی شاہراہوں کے دو بڑے پروجیکٹوں کا افتتاح کیا۔ یہ پروجیکٹ، دوارکا ایکسپریس وے اور اَربن ایکسٹینشن روڈ دوئم ہیں۔

اِن پروجیکٹوں کو، حکومت کے اُس جامع منصوبے کے حصے کے طور پر تیار کیا گیا ہے، جس کا مقصد قومی راجدھانی میں ٹریفک کی بھیڑ بھاڑ کو کم کرنا ہے۔ اِن پروجیکٹوں سے کنکٹی وِٹی میں بہتری اور سفر کے وقت میں کمی آئے گی، دلّی اور اُس کے آس پاس کے علاقوں میں گاڑیوں کی آمدورفت میں سہولت پیدا ہوگی۔

دوارکا ایکسپریس وے کے، 10 اعشاریہ ایک کلو میٹر طویل دلّی سیکشن کو 5 ہزار 300 کروڑ روپے کی لاگت سے تیار کیا گیا ہے۔

دوسرا پروجیکٹ تقریباً 5 ہزار 580کروڑ روپے کی لاگت سے تیار کیا گیا ہے۔ اِس سے دلّی کے اندرونی اور باہری رِنگ روڈ پر اور مُکربا چوک، دھولا کنواں اور قومی شاہراہ نمبر 9 جیسے بھیڑ بھاڑ والے مقامات پر گاڑیوں کی آمدورفت میں سہولت پیدا ہوگی۔