وزیر اعظم نریندر مودی نے کہا ہے کہ سبھی کیلئے صحت اُن کی حکومت کے عزم ’سب کا ساتھ، سب کا وکاس‘ کے اہم ستونوں میں سے ایک ہے۔ آج سہ پہر مدھیہ پردیش کے چھتر پور ضلعے میں باگیشور دھام میڈیکل اینڈ سائنس ریسرچ انسٹی ٹیوٹ کا سنگ بنیاد رکھتے ہوئے وزیر اعظم نے کہا کہ یہ انسٹی ٹیوٹ کینسر سے متاثرہ غریب مریضوں کو مفت علاج فراہم کرے گا۔ جناب مودی نے کہا کہ یہ انسٹی ٹیوٹ 10 ایکڑز رقبے میں تعمیر کیا جائے گا اور پہلے مرحلے میں 100 بستروں کی سہولت والا ایک اسپتال قائم کیا جائے گا۔ یہ کینسر اسپتال جدید ترین مشینوں سے لیس ہوگا اور اِس میں ماہر ڈاکٹروں ہوں گے۔ کینسر کے علاج کے حوالے سے حکومت کی کوششوں کا ذکر کرتے ہوئے انہوں نے کہا کہ اِس سال کے بجٹ میں کینسر کی روک تھام کیلئے بہت سے اعلانات کیے گئے ہیں۔
کچھ سیاسی پارٹیوں کی طرف سے سناتن دھرم پر کیے جا رہے تبصروں کی تنقید کرتے ہوئے جناب مودی نے کہا کہ ایسے لیڈروں کا ایک گروہ ہے، جو مذہب کا مذاق اڑاتے ہیں اور ہمارے تہواروں اور روایات کے لیے دشنام طرازی کرتے ہیں۔
مدھیہ پردیش، بہار اور آسام کے اپنے تین روزہ دورے کے حصے کے طور پر وزیر اعظم آج مدھیہ پردیش پہنچے، جہاں وہ بھوپال میں دو روزہ عالمی سرمایہ کار سمٹ 2025 کا بھی افتتاح کریں گے۔
کل وزیر اعظم بہار کے بھاگلپور جائیں گے جہاں وہ پی ایم کسان اسکیم کی 19 ویں قسط جاری کریں گے۔ اِس کے ذریعے ملک بھر کے 9 کروڑ 70 لاکھ سے زیادہ کسانوں کو 21 ہزار 500 کروڑ روپے سے زیادہ کی براہ راست مالی امداد ملے گی۔ وہ بہار میں مختلف ترقیاتی پروجیکٹوں کا افتتاح کریں گے اور انہیں ملک کے نام وقف کریں گے۔
اِس کے بعد وزیر اعظم Jhumoir Binandini (میگا Jhumoir) 2025- کی تقریب میں شرکت کرنے کیلئے گوہاٹی کیلئے روانہ ہوجائیں گے۔ میگا Jhumoir جشن، چائے کی صنعت کے سے لیس 200 سال پورے ہونے اور آسام میں صنعت کاری کی آغاز کی علامت ہے۔ وزیر اعظم منگل کے روز گوہاٹی میں ایڈوانٹیج آسام 2.0 سرمایہ کاری اور بنیادی ڈھانچہ سمٹ 2025 کا افتتاح کریں گے۔