وزیر اعظم نریندر مودی نے آج کہا ہے کہ بھارت اب رُکنے کے موڈ میں نہیں ہے اور نہ وہ وقفہ لے گا اور نہ ہی اپنی رفتار کو کم کرے گا۔ ایک پرائیویٹ میڈیا ہائوس کی جانب سے منعقدہ ایک سمٹ سے خطاب کرتے ہوئے جناب مودی نے کہا کہ 140 کروڑ بھارتی پوری رفتار کے ساتھ مل کر آگے بڑھیں گے۔ انھوں نے اشارہ کیا کہ اِس وقت جب کہ دنیا کو مختلف رُکاوٹوں اور رفتار کو کم کرنے والے اسپیڈ بریکرس کا سامنا ہے، یہ بات قطعی طور پر فطری ہے کہ بھارت کے نہ رُکنے والے قدموں کے بارے میں بات کی جائے۔وزیر اعظم مودی نے کہا کہ اِس وقت پوری دنیا بھارت کو ایک قابل بھروسہ، ذمے دار اور لچکدار پارٹنر کے طور پر دیکھتی ہے۔وزیر اعظم نے سب کو دیوالی کی مبارکباد دی۔