وزیر اعظم نریندر مودی نے لوک سبھا میں آپریشن سندور پر بحث کے دوران وزیر خارجہ ڈاکٹر ایس جے شنکر اور وزیر دفاع راج ناتھ سنگھ کی تقریروں کی تعریف کی ہے۔ سلسلے وار سوشل میڈیا پوسٹ پر وزیر اعظم نے اُن کی تقریروں کو شاندار اور بصیرت افروز قرار دیا۔ جناب مودی نے کہا کہ ڈاکٹر جے شنکر نے اپنی تقریر کے دوران اس بات پر روشنی ڈالی کہ کس طرح دنیا نے آپریشن سندور کے ذریعے دہشت گردی کی لعنت سے لڑنے کے بارے میں بھارت کے نقطہئ نظر کو واضح طور پر سنا۔ وزیر دفاع کی تقریر پر انہوں نے کہا کہ راجناتھ سنگھ نے آپریشن سندور کے دوران بھارت کے سیکیورٹی نظام کی کامیابی اور ہماری مسلح افواج کی جرأت پر ایک بصیرت انگیز نقطہ نظر پیش کیا۔