وزیر اعظم نریندر مودی نے اتراکھنڈ کیلئے ایک ہزار 200 کروڑ روپئے کی مالی امداد کا اعلان کیا۔ آج دہرہ دون میں، ایک اعلیٰ سطحی میٹنگ کی صدارت کرتے ہوئے جناب مودی نے، ریاست کے تباہی سے متاثر علاقوں میں راحت اور بازآبادکاری کی کوششوں کا جائزہ لیا۔
وزیر اعظم نے پورے خطے اور اِس کے لوگوں کی بحالی کیلئے مدد کرنے میں کثیر رُخی رسائی اپنانے کی ضرورت پر زور دیا۔ اِس میں PM آواس یوجنا کے تحت مکانوں کی تعمیر نو، قومی شاہراہوں کو بحال کرنا، اسکولوں کی تعمیر نو، وزیر اعظم کے قومی راحت فنڈ کے ذریعے راحت فراہم کرنا اور مویشیوں کیلئے مِنی کِٹس تقسیم کرنے جیسے اقدام شامل ہیں۔ وزیر اعظم آج ریاست کے تباہی سے متاثرہ علاقوں کا فضائی سروے کرنے والے تھے لیکن خراب موسم کی وجہ سے اِس دورے کو منسوخ کردیا گیا۔
