وزیر اعظم نریندر مودی نے زور دیا ہے کہ ”وِکاس بھی، وراثت بھی“ کا بھارت کا نظریہ، ملک کی ثقافتی جڑوں کو ختم کرنے کے بجائے جدّت پسند اور مستحکم شہر کاری کو یقینی بنانے کے تئیں عزم کی عکاسی کرتا ہے۔ جناب مودی نے، روحانی ثقافتی ورثے کے تحفظ سے متعلق بین حکومتی کمیٹی کے 20 ویں اجلاس کی افتتاحی تقریب میں اپنے پیغام میں یہ بات کہی۔ وزیر اعظم نے کہا کہ بھارت اس بات کو یقینی بنا رہا ہے کہ کوئی روایت، کوئی رسم اور کوئی برادری اوجھل یا محروم نہ رہے۔ جناب مودی نے مزید کہا کہ اقوام متحدہ کے تعلیم، سائنس اور ثقافت سے متعلق ادارے یونیسکو نے روحانی ورثے کے تحفظ کیلئے مشترکہ عالمی فریم ورک وضع کرنے میں انتہائی اہم رول نبھایا ہے۔ جناب مودی نے مزید کہا کہ بھارت کو اپنے کئی ثقافتی مقامات کے یونیسکو کی فہرست میں شامل ہونے پر فخر ہے۔×