وزیر اعظم نریندر مودی نے آج چھتیس گڑھ میں ہونے والی پولیس کے ڈائریکٹر جنرلوں اور انسپیکٹر جنرلوں کی کُل ہند کانفرنس کی صدارت کی۔ سوشل میڈیا پر ایک پوسٹ میں جناب مودی نے کہا کہ رائے پور میں DGP-IGP کانفرنس کے پہلے دن بھارت کے سلامتی نظام کے مختلف پہلوؤں پر تفصیل سے غور و خوض کیا گیا۔ انہوں نے کہا کہ اِس شعبے میں بہترین طور طریقوں اور اختراعات سے ایک دوسرے کو واقف کرانے کیلئے یہ ایک بہت بڑا Forum ہے۔تین روزہ کانفرنس، کل نوا رائے پور کے انڈین انسٹی ٹیوٹ آف مینجمنٹ میں شروع ہوئی تھی۔ وزیر اعظم، کانفرنس کے تحت آج اور آنے والے کل ہونے والے مختلف اجلاس میں حصہ لے رہے ہیں۔
مرکزی وزیر داخلہ امت شاہ، قومی سلامتی کے مشیر اجیت دوبھال، مرکزی وزارت داخلہ میں وزیر مملکت، مختلف ریاستوں اور مرکز کے زیر انتظام علاقوں کے DGP اور مرکزی پولیس تنظیموں کے سربراہان، کانفرنس میں حصہ لے رہے ہیں۔اِس برس کانفرنس کا موضوع ہے: وکست بھارت، سلامتی کی جہات۔ کانفرنس کے دوران غور و خوض میں نئے عہد کے چیلنجوں سے شہریوں کو محفوظ رکھنے کی غرض سے اگلے مرحلے کے سکیورٹی نظاموں کو تیار کرنے پر توجہ دی جا رہی ہے۔ قومی سلامتی کے اہم معاملات پر تفصیلی تبادلۂ خیال کیا جا رہا ہے، جس میں بائیں بازو کی انتہا پسندی، انسداد دہشت گردی، قدرتی آفت کی صورت میں بندوبست، خواتین کا تحفظ اور نگرانی کیلئے فورینسک سائنس اور مصنوعی سراغ رسی کے استعمال سمیت شامل ہیں۔ کانفرنس کے دوران وزیر اعظم، امتیازی خدمات کیلئے صدر جمہوریہ کے پولیس میڈل بھی پیش کریں گے۔