وزیر اعظم نریندر مودی نے آج ایک مضمون شیئر کیا ہے جس میں یوگ کو خواتین اور بچوں کی بہبود سے متعلق اُن پالیسیوں کے ساتھ مربوط کئے جانے کی اہمیت اجاگر کی گئی ہے جن سے ملک بھر میں نچلی سطح پر صحت اور تندرستی بہتر ہوئی ہے۔ خواتین اور بچوں کی ترقی کی وزیر انّا پورنا دیوی کی جانب سے سوشل میڈیا پر ڈالی گئی ایک پوسٹ پر ردِّعمل ظاہر کرتے ہوئے وزیر اعظم نے کہا کہ یوگ کو خواتین اور بچوں کی بہبود سے متعلق پالیسیوں سے مربوط کئے جانے سے ملک بھر میں نچلی سطح پر صحت اور تندرستی بہتر ہو رہی ہے۔ اپنے مضمون میں انّا پورنا دیوی نے کہا ہے کہ حمل سے پہلے اور اس کے بعد یوگ آسن کرنے سے خواتین کو صحت سے متعلق چیلنجوں سے موثر طور پر نمٹنے میں مدد ملتی ہے۔ انھوں نے مزید کہا کہ حمل کے دوران مخصوص یوگ آسن کرنے اور دھیان کی تکنیک اپنانے سے حمل سے متعلق تکلیف کو دور کرنے میں مدد ملتی ہے اور طاقت میں اضافہ ہوتا ہے۔