وزیر اعظم نریندر مودی نئی دلّی میں اگلے مہینے کی 2 تاریخ کو چوتھے Semicon India 2025 کا افتتاح کریں گے۔ اِس تین روزہ نمائش میں مائیکرو الیکٹرانکس اور سیمی کنڈکٹر Value Chain کے شعبے میں ملک کی بڑھتی ہوئی صلاحیت اور آئندہ کے پروگراموں کی جھلک پیش کی جائے گی۔

          کل نئی دلّی میں ایک پریس کانفرنس سے خطاب کرتے ہوئے الیکٹرانکس اور انفارمیشن ٹیکنالوجی کی وزارت کے سکریٹری ایس کرشنن نے بتایا کہ پہلی مرتبہ اِس نمائش میں جاپان، جنوبی کوریا، سنگاپور اور ملیشیا کے چار بین الاقوامی پویلین بھی ہوں گے۔

Semicon India 2025 کا مقصد عالمی اشتراک و تعاون کو فروغ دینا، گھریلو اختراعات کی حمایت کرنا اور ایک بااعتماد، وسعت پذیر اور مسابقتی الیکٹرانکس پیداوار کے مرکز کے طور پر بھارت کے رول کو مستحکم کرنا ہے۔ ×