وزیر اعظم نریندر مودی آج چھتیس گڑھ میں، پولیس کے ڈائریکٹرز جنرل اور انسپیکٹرز جنرل کی 60 ویں کُل ہند کانفرنس کی صدارت کریں گے۔ وہ کانفرنس کے تحت آج اور کل مختلف اجلاس میں شرکت کریں گے۔
مذاکرات میں، نئے دور کے چیلنجوں سے نمٹنے کیلئے شہریوں کی حفاظت کے مقصد سے اگلے مرحلے کے سکیورٹی فریم ورکس تیار کرنے پر توجہ دی جا رہی ہے۔ قومی سکیورٹی سے متعلق بنیادی معاملات پر بھی تفصیلی بات چیت کی جا رہی ہے، جس میں اندرونی سلامتی، دہشت گردی سے نمٹنا، قدرتی آفات سے نمٹنا، خواتین کی حفاظت اور پولیس کے کام کاج میں فورینسِک سائنس اور مصنوعی ذہانت AI کا استعمال بھی شامل ہے۔
وزیر اعظم کانفرنس کے دوران غیر معمولی خدمات پر صدر جمہوریہ کا پولیس میڈل بھی عطا کریں گے۔
یہ تین روزہ کانفرنس نوا رائے پور میں انڈین انسٹی ٹیوٹ آف مینجمنٹ میں کل شروع ہوئی تھی۔ مرکزی وزیر داخلہ امت شاہ نے کانفرنس کا افتتاح کیا۔
اس کانفرنس میں قومی سلامتی کے مشیر اجیت ڈوبھال، داخلی امور کے مرکزی وزیر مملکت، مختلف ریاستوں مرکز کے زیر انتظام علاقوں کے پولیس کے ڈائریکٹر جنرل اور مرکزی پولیس تنظیموں کے سربراہان شرکت کر رہے ہیں۔×
