وزیر اعظم نریندر مودی آج اتراکھنڈ کے سیلاب سے متاثرہ علاقوں کا فضائی سروے کریں گے۔ سروے کے بعد جناب مودی دہرادون میں راحت اور بازآبادکاری کی کوششوں کی پیشرفت کا جائزہ لینے کے لیے اعلیٰ سطح کی ایک جائزہ میٹنگ کی صدارت کریں گے۔
وزیر اعظم کے دورے کے پیشِ نظر سکیورٹی کے وسیع انتظامات کیے گئے ہیں۔ وزیر اعلیٰ پشکر سنگھ دھامی نے وزیر اعظم کے دورے کی تیاریوں اور حفاظتی اقدامات کا جائزہ لینے کے لیے کل شام جولی گرانٹ ہوائی اڈّہ کا دورہ کیا اور حکام کو ضروری ہدایات دیں۔
واضح رہے کہ اس مانسون سیزن میں اتراکھنڈ کے کئی ضلعے خاص طور پر اترکاشی، چمولی، پوڑی، باگیشوَر اور ٹہری شدید بارش، مٹّی کے تودے کھسکنے اور سیلاب سے شدید طور پر متاثر ہوئے ہیں۔ وزیر اعظم کے اس دورے سے ریاست میں جاری راحت اور تعمیر نو کے کام کو نئی سمت اور رفتار فراہم ہونے کی توقع ہے۔
