وزیر اعظم نریندر مودی نے کہا ہے کہ بھارت دنیا کیلئے ترقی میں اضافے اور افراطِ زر کی شرح میں گراوٹ کے ماڈل کے طور پر کھڑا ہے۔ نئی دلّی میں ایک تقریب سے خطاب کرتے ہوئے جناب مودی نے اس بات کو اجاگر کیا کہ موجودہ مالی سال کی دوسری سہ ماہی کے دوران آٹھ فیصد کی GDP شرح ترقی سے ملک کی بڑھتی ہوئی پیشرفت کی عکاسی ہوتی ہے۔

          عالمی منظرنامے پر بھارت کے رول کا تذکرہ کرتے ہوئے وزیر اعظم نے کہا کہ چیلنجوں اور غیر یقینی کے حالات سے گھِری ہوئی دنیا میں بھارت اپنی ترقی اور کارکردگی کی بدولت اپنا پرچم سربلند کئے ہوئے ہے۔

          جناب مودی نے مزید کہا کہ مستقبل کی تبدیلی کا انحصار آج رکھی جانے والی مضبوط بنیادوں پر ہے۔ انہوں نے کہا کہ بھارت کی صلاحیت کو طویل عرصے تک بروئے کار نہیں لایا گیا لیکن روایتی طور پر کم ترقی یافتہ شعبے اب اپنی مکمل صلاحیت کے مطابق کام کر رہے ہیں۔ ان میں شمال مشرقی خطہ، گاؤں، Tier-2 اور Tier-3 شہر، خواتین اور نوجوان، بحری معیشت اور خلا کے شعبے شامل ہیں۔×