وزیرِ دفاع راج ناتھ سنگھ نے سات ریاستوں اور مرکز کے زیرِ انتظام دو علاقوں میں Shyok Tunnel سمیت کلیدی اہمیت کے حامل بنیادی ڈھانچے کے 125 پروجیکٹوں کا افتتاح کیا، جنہیں سرحدی سڑک تنظیم BRO نے تعمیر کیا ہے۔

افتتاحی تقریب کے دوران جناب راج ناتھ سنگھ نے کہا کہ بنیادی ڈھانچے کے یہ پروجیکٹ بھارتی فوج اور سرحدی سڑک تنظیم کی عظیم قربانی کو یاد رکھنے کیلئے وقف ہیں، جنہوں نے ملک کیلئے اپنی جان کا نذرانہ پیش کردیا۔

وزیرِ دفاع نے کہا کہ لیہہ میں Shyok Tunnel سے لداخ میں بڑی تبدیلی آئے گی کیونکہ اِس سے ہر طرح کے موسم اور سخت سردی کے حالات میں بھی Connectivity اور Mobility کی سہولت برقرار رہے گی۔

سرحدی سڑک تنظیم کی ستائش کرتے ہوئے، جناب راج ناتھ سنگھ نے کہا کہ Shyok Tunnel سے خطے کی ترقی، سیاحت اور اقتصادی سرگرمیوں کو بڑھاوا ملے گا اور Logistics میں بھی مدد ملے گی۔