وزیرِ خزانہ نرملا سیتا رمن نے آج کہا ہے کہ محض ایک دہائی میں فائدوں کی براہ راست منتقلی میں 90 گنا سے زیادہ کا اضافہ ہوا ہے۔ ایک سوشل میڈیا پوسٹ میں محترمہ سیتا رمن نے کہا کہ 2014 میں یہ سات ہزار کروڑ تھی، جو گذشتہ مالی سال میں بڑھ کر چھ اعشاریہ آٹھ تین لاکھ کروڑ ہوگئی۔ ایک دوسری پوسٹ میں وزیرِ موصوف نے کہا کہ بھارت لین دین اور ادائیگی کے معاملے میں بھی آگے ہے کیونکہ 2024-25 میں 260 لاکھ کروڑ روپے سے زیادہ کے لین دین کے معاملوں کو نمٹایا گیا۔